Chahat

Aaj phir mein gana chahta hoon
Shayad kismat ko aajmaana chahta hoon

Kuch roz poorani hi to baat hai
Mein phir se thirakna chahta hoon

Dekh kar parindo ko yahi socha karta hoon
Kya sambhav hai pahunchna, jaha mein jana chahta hoon

Aaj phir mein gana chahta hoon

Mein kahan se chala tha aur pahuncha hu kahan
Meri manzil aasma hai, jisko mein paana chahata hoon

Baatein bahut ho chuki din raat yaaron ke saath
Ek haseen yaadgaar banana chahata hoon

Aaj phir mein gana chahta hoon

Jab pada tha maut ke kareeb bistar par mein
Jaanta tha phir be jiwan ko paana chahata hoon

Naa chaha kisi ki aankh ke aansu ka karan mein banu
Pooche koi to doodh ka dariya bahana chahata hoon

Aaj phir mein gana chahta hoon

Har raat ke baad savera hoga zaroor
Bus ek baar haatho se suraj ugaana chahata hoon

Baadlo ke paar rehta hai khuda sunte the hum
Band aankho se magar paana chahata hoon

Aaj phir mein gana chahta hoon
Shayad kismat ko aajmaana chahta hoon

 Written by Vaibhav Maitreya