Jaana pehchaana Ajnabi

Kal mujhsa mujhe mila koi

mulakaat hui kuch baat hui

Woh jo aksar mujhko milta tha

Thoda sa gumsum dikhta tha

Woh aaya tha tufano se guzarta hua

Khoya tha apne pita ko usne aur ban chuka tha khud pita

Kal mujhsa mujhe mila koi

mulakaat hui kuch baat hui

Hazaroon ki iis bheed mein

woh akela sab se junjhta

Local train ke dibbe mein, darwaje pe jhulta

Karta raha woh roz safar aur thame raha woh tooti dor

ek kadi na jaane kaha se ek din

usse pata mera de gayi

samay ki karwaton ke beech, usse mulakaat hui

woh dabi aawaz mein pooch baitha

kya hum ek jaise hain

mein hoon pat aur kya chit hai tu

kya hum sikke ke do pehlu jaise hai

Mein aaj jo itna shant hoon, yeh nahi ahenkaar mera

khaye hai baar baar zakham, yeh sirf hai teeraskaar mera

Meine tumko bhi aksar dekha hai

tere haath mein bhi woh rekha hai

Kalam to tu bhi chalata hai

hummein shayad yahi ek naata hai

Tu muskarakar peeta hai vish

aur mein ne kanth mein roka hai

Tu hai mere hi mulk ka

jise apno ne hi loota hai

Mujhe bhi lootne ka ehsaas hai

Aaj jo bhi mere paas hai

woh waqt ki hi gehri chaal hai

Meine bhi boojha boojha sa hoon

aur tera bhi haal behaal hai

Tu shayad kal phir aabad ho

par meine jo bhi kuch khoya hai

na lauta sakega koi khuda

mein ho gaya hoon jinse juda

Sunkar teri yeh dastan

mera dil na jaane kyu ro diya

yakinan hai hum ek mulk ke

tera dard bhi nahi hai mujhse juda

Kal mujhsa mujhe mila koi

mulakaat hui kuch baat hui

Written by Vaibhav Maitreya

Jeevan - ek paheli

Mera aana mera jaana, yeh mere bus ki baat nahi

Mein to ek kathputli hoon, jiski dor uparwale ne thami

Mujhe laya gaya auro ke liye,

Meine un auro se hazaroo waade kiye

Har shai pe mein muskarata raha

Hansi mein gumon ko chupata raha

jaanta hoon wajood nahi mera koi

Mera aana mera jaana, yeh mere bus ki baat nahi

Kabhi pyar se sehlaya gaya

Kabhi nafrat se dutkaara gaya

Mein ek kashti sa majdhar mein

Hawa ke jhonkon se behta gaya

Kabhi pedon ki ghani chaanv mein

Kabhi dhup waali fizaaon mein

Sulaya gaya aur jagaya gaya

Meine sirf maun suna, suni koi aawaz nahi

Mera aana mera jaana, yeh mere bus ki baat nahi

Tumhe bachpan se hoon dekhta

Sub kahen ki tum ho meri maa

par iis baat se mein hairaan hoon

thoda sa bechain hoon, thoda pareshan hoon

tumne sirf mere zakham dekhe, dawa na di tumne koi

Kya mein itna bura hoon sach bata

kyu na mujh par tujhe kabhi pyar aata

Mein bhi to tera ek aang hoon

Chahe aur kisi ke bhi sang hoon

Lekin kabhi suna hai tumne

Koi tehni vriksh se alag hui

Mera aana mera jaana, yeh mere bus ki baat nahi

Chuna nahi tha meine jinko, woh rishte sub kanhi kho gaye

Mein jaaga intezaar mein, woh chadar taan ke so gaye

Mein raat bhar rota raha aur yeh saara vishv sota raha

Kya zara bhi tumhe ehsaas hai

Meri muskarahat dekhi tune, mere aansuon ka kyu hisaab nahi

Ek pyaase fakir sa, mein talaash raha kis pyaar ko

Koi badhkar mujhe aawaz dega, mein taras raha uus pukaar ko

Guzra bahut seheron se mein, jaane kisi ki talash mein

Haaton mein ek dhaaga pakde, phool meine paye nahi

Mera aana mera jaana, yeh mere bus ki baat nahi

Hey ishwar tumhaara shukriya, joh di mujhe yeh zindaagi

jaana har ek mitr ko aur shatru ki pehcaan di

Mein khush hoon aaj yeh jaan kar

Teri rehmat sadaiv mujh par rahi

Mera aana mera jaana, yeh mere bus ki baat nahi

Mein to ek kathputli hoon, jiski dor uparwale ne thami

 Written by Vaibhav Maitreya

Kya Mausam hai,

 Kya Mausam hai,

kuch kam garmi aur kuch hawa bhi nam hai

Shwet gagan mein kaale parinde

kitna madhur inka vihangam hai.

surya ki lalima mein, oos ki kuch boonde dekhi

Gale mein ho pehna jaise motiyon ka haar ek

madhur sa sangeet suna kitna leharbadh hai

Kya mausam hai

kuch kam garmi aur kuch hawa bhi nam hai

Raat sirf ek chadar udhaar lekar kaati meine

jism jaise tawa ban gaya aur saas hui madham hai

charo taraf sub maun hai aur na hota koi kritya hai

palke moond kar ke dekha, pariyoon ka woh nritya hai

raat ka kaajal mita, uttha jaise surya krudh hai

Kya mausam hai

Kuch kam garmi aur kuch hawa bhi nam hai